Buyuk Britaniya Bosh vaziri Tereza Mey o‘z iste’fosi haqida e’lon qildi, deb xabar berdi Reuters.
Ma’lumotlarga ko‘ra, Mey 7 iyun kuni Konservativ partiya rahbari lavozimini tark etadi.
"Mey o‘zining bu qarorini YeIning Brexit bo‘yicha taqdim etgan yangilangan kelishuvidan norozi bo‘lgan partiyadoshlari, shu jumladan, vazirlar mahkamasi a’zolari qistovi bilan e’lon qilgan", - deyiladi xabarda.
Bu Mey mamlakat bosh vazirligi lavozimini ham tark etishi kerakligini anglatadi.
Ammo 7 iyun kuni ketishi kutilayotgan Mey iyun boshida Buyuk Britaniyaga davlat tashrifini amalga oshirishi rejalashtirilgan AQSh prezidenti Donald Trampni to‘laqonli bosh vazir sifatida qabul qilishi mumkin.