2020 yil 16 oktyabr kuni 9009-sonli Harbiy qism chegarachilari bilan o‘tkazilgan Ekologik nazorat tadbiri davomida 8 nafar fuqaro Xorazm viloyatining Turkmaniston Respublikasi bilan chegaradosh Tuproqqal’a tumanining chegara oldi hududida tungi soat 02.00 larda, chegara oldi hududlarida bo‘lish rejimini hamda ov qilish va baliq ovlash qoidalarini buzib, bir dona yovvoyi to‘ng‘izni otib o‘ldirganliklari va ov qilish maqsadida yurganliklari aniqlandi. Bu haqda Xorazm viloyati Ekologiya va atrof muhitni muhofaza qilish boshqarmasi xabar berdi.
Huquqbuzarlardan 6 ta ov quroli, 105 ta o‘q-dori va 4 ta qarmoqlar ashyoviy dalil sifatida olib qo‘yildi.
Mazkur huquqbuzarlik holati yuzasidan to‘plangan hujjatlar sud idoralariga taqdim etiladi.
Sof.uz manbasining xabar berishicha, huquqbuzarlardan biri tuman hokimi o‘rinbosari, yana biri IIB mas’ul xodimi, qolganlari tadbirkorlar bo‘lgan.