UEFA koronavirus tarqalishi sababli kelgusi hafta Chempionlar ligasi va Yevropa Ligasi o‘yinlarini o‘tkazishni to‘xtatishga qaror qildi. Qaror 17 va 18 mart kunlari bo‘lib o‘tadigan Chempionlar Ligasining 1/8 final uchrashuvlari, 19 mart kuni bo‘lib o‘tadigan Yevropa Ligasi o‘yinlari, shuningdek, UEFA Yoshlar Ligasiga tegishlidir.
MAVZUGA DOIR: Krishtianu Ronaldu koronavirus tufayli karantinga olindi
Avvalroq, koronavirus infeksiyasining tarqalishi munosabati bilan Italiya, Ispaniya, Fransiya va boshqa ko‘plab davlatlarning chempionatlari to‘xtatilgan edi. So‘nggi ma’lumotlarga ko‘ra, dunyo bo‘ylab koronavirus infeksiyasining 128 343 holati qayd etilgan bo‘lib, 4 720 kishi vafot etdi.