Chexiya Xitoyni koronavirus bo‘yicha xavfli mamlakatlar ro‘yxatidan chiqardi
25.03.2020 11:40,
297
Chexiya Respublikasi koronavirusning yangi turini yuqtirish xavfi tufayli mamlakat fuqarolariga tashrif buyurish tavsiya etilmaydigan mamlakatlar ro‘yxatini o‘zgartirdi, deb RIA Novosti mamlakat Sog‘liqni saqlash vazirligi vakili Gabriyel Shtepaniovaga tayanib xabar berdi.
Xususan, ushbu ro‘yxatga Xitoy va Janubiy Koreya kiritilmagan, deya qayd etdi Sog‘liqni saqlash vazirligi vakili. Shu bilan birga, unga AQSh, Isroil, Kanada, Malayziya, Avstraliya va Portugaliya qo‘shildi.
Ushbu mamlakatlardan tashqari, ro‘yxatga koronavirus infeksiyasi soni Chexiyada tasdiqlangan holatlar sonidan oshadigan 13 ta mamlakat kiritilgan, deya eslatdi Shtepaniova.