Chexiya Respublikasi aholisi odamlarning zich joylashgan barcha jamoat joylarida bir vaqtning o‘zida ikkita tibbiy niqob yoki maxsus respirator kiyib yurishlari shart. Bu haqda Sog‘liqni saqlash vaziri Yan Blatniy ma’lum qildi, deb yozmoqda lenta.ru.

Do‘konlarda, jamoat transportida va boshqa har qanday joylarda nafas olish moslamalari, nanopartikulli niqoblar yoki birdaniga ikkita oddiy niqob kiyish talab etiladi. Mato maskalari endi himoya vositasi deb hisoblanmaydi. 

Chexiya hukumati, shuningdek, do‘konlarning ishlashiga cheklovlar amal qilishda davom etayotganligini e’lon qildi: ularning faqat bir qismi ochiq bo‘lib qolmoqda va ular ijtimoiy masofani qat’iy qoidalariga ega. Buning sababi, sog‘liqni saqlash tizimi koronavirus pandemiyasi bilan kurasha olmayapti. Xususan, hukumat ta’kidlaganidek, Chexiyada ushbu kasallikning "britancha" shtammi keng tarqalgan.