Чирчиқ пединститути ўқитувчиси ОТМга киритиб қўйиш учун $6000 олаётганда ушланди
21.06.2021 17:37,
107
Тошкентда ўз танишлари орқали ўқишга киритиб қўйишни ваъда қилган Тошкент вилояти Чирчиқ давлат педагогика институти ўқитувчиси ушланди.
Бош прокуратура ҳузуридаги Департамент маълумотларига кўра, ЧДПИ ўқитувчиси Ш.Э. фуқаро Б.Т. ва Э.Ж.ни ушбу ОТМ ёки ТДПУга ўқишга киритиб қўйишни ваъда қилган.
Департамент ҳамда ДХХ Шайхонтоҳур туман бўлими томонидан ўтказилган тезкор тадбирда у 6000 долларни олган вақтида ашёвий далиллар билан ушланган.
Ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.