Chiroqchida Neksiya avtomobilida portlash yuz berdi. Bu haqda Qashqadaryo viloyat favqulodda vaziyatlar boshqarmasi xabar qildi. 

3 noyabr Chiroqchi tumani «Annaro‘z» mahallasidan o‘tuvchi avtomobil yo‘lida harakatlanib borayotgan Chiroqchi tumani «Suvliq» mahallasida yashovchi fuqaro 1992 yilda tug‘ilgan X.N boshqaruvida bo‘lgan «Neksiya» avtomashinasida o‘rnatilgan metan gaz ballonida yorilish (portlash) sodir bo‘lgan.

Hodisa oqibatida halok bo‘lish holatlari qayd etilmadi. Biroq, haydovchi va voqea joyida yo‘lovchi sifatida harakatlanib borayotgan fuqaro «Suvliq» mahallasida yashovchi 1973 yilda tug‘ilgan B.B lar tan jarohati olib shifoxonaga yotqizilgan. Sodir bo‘lgan vaziyat bo‘yicha qutqaruv xizmatiga murojaat kelib tushmagan.

Hozirda holat bo‘yicha surishtiruv ishlari olib borilmoqda.