12 avgust, chorshanba kuni prezident Shavkat Mirziyoyev boshchiligida karantin talablarini bosqichma-bosqich yumshatish bo‘yicha videoselektor yig‘ilishi o‘tkazildi.
Bosh vazir o‘rinbosari – Turizmni rivojlantirish davlat qo‘mitasi raisi Aziz Abduhakimovning ma’lum qilishicha, yig‘ilishda 15 avgustdan karantin talablarini bosqichma-bosqich yumshatish bo‘yicha berilgan topshiriqlar doirasida Toshkent viloyati Bo‘stonliq tumanidagi Chorvoq suv omborida aholiga cho‘milish va ko‘ngilochar vositalar borasida barcha cheklovlar yechilib, ulardan foydalanishga ruxsat berilgan.
Eslatib o‘tamiz, o‘tgan hafta Favqulodda vaziyatlar vazirligi Chorvoqda cho‘milish va barcha turdagi suvda suzish vositalaridan foydalanishni taqiqlashga oid qaror loyihasini muhokamaga chiqargan edi.