Hindistonda COVID-19 bilan kasallanishning rekord darajadagi yangi holatlari aniqlanmoqda. Kuniga 360 mingdan ortiq kishida virus qayd etilib, 3 ming kishi vafot etmoqda deyaxabar berdi TJ.

Rasmiy statistik ma’lumotlarga asosan, hozirda kasallanish holatlarning umumiy soni deyarli 17 mlnga, o‘limlar soni esa 192 mingga yetgan.

Foto:Hindustan Times

Reuters ma’lumotlariga ko‘ra, kasalxonalar yotoqlar va kislorod tugaganligi sababli bemorlarni qabul qilishdan bosh tortmoqda. Shaharlarda o‘liklar shunchalik ko‘pki, ularning jasadlarini ko‘chada yoqishga to‘g‘ri kelmoqda.

Krematoriy ishchisi The Guardian’gaxabar berishicha, ko‘chalar huddi urush ketayotgan manzaraga o‘xshaydi.