Avval xabar qilganimizdek, “Raqamli iqtisodiyot va elektron hukumatni keng joriy etish chora-tadbirlari to‘g‘risida” Prezident qarori (PQ-4699-son, 28.04.2020 y.) qabul qilindi.
Qarorga muvofiq, 2020 yil 1 avgustga qadar davlat organlari va tashkilotlari tomonidan yo‘llanadigan xat-xabarlar, xabarnomalar, chaqiruv qog‘ozlari va boshqa yuridik hujjatlarni faqat pochta aloqa ob’yektlari tarmog‘i orqali yetkazib berish tartibi belgilanadi.
Shuningdek, ushbu xat va hujjatlarni jismoniy va yuridik shaxslarga yetkazib berish va yetkazilganligini tasdiqlash, ma’lumotlarni saqlash va hisobga olishning yagona milliy tizimi joriy etiladi.