Oliy Majlis Qonunchilik palatasiga “Davlat tili haqida”gi Qonunning yangi tahriri kiritildi. Mas’ul qo‘mita tomonidan qonun loyihasi birinchi o‘qishda ko‘rib chiqishga tayyorlanmoqda. Bu haqda “Milliy tiklanish” demokratik partiyasi Markaziy kengashi raisi Alisher Qodirov xabar qildi.
“Milliy tiklanish” demokratik partiyasi saylovoldi dasturidagi asosiy masalalardan biri sifatida ushbu qonun loyihasini jiddiy muhokama qilishga tayyorlanmoqda.
Shu bilan birga, bugungi kunda qabul qilishga tayyorgarlik ko‘rilayotgan “Normativ huquqiy xujjatlar to‘g‘risida”gi qonun loyihasining 33-moddasida partiya fraksiyasining tashabbusi asosida O‘zbekiston Respublikasida barcha normativ huquqiy xujjatlarni o‘zbek tilida qabul qilinishi belgilanmoqda" deyiladi xabarda.