Savdo majmuasida yuzaga kelgan portlash hodisasi bo‘yicha tergov qilinayotgan jinoyat ishi doirasida 3 kishi ehtiyot chorasi sifatida qamoqqa olingan.

Denov shahar gaz bo‘limi boshlig‘i va “Hududgaz Surxondaryo” gaz ta’minotining 2 nafar xodimlariga nisbatan Jinoyat kodeksining 116 (Kasb yuzasidan o‘z vazifalarini lozim darajada bajarmaslik) hamda 214-modda (Davlat organi, davlat ishtirokidagi tashkilot yoki fuqarolarning o‘zini o‘zi boshqarish organi xizmatchisining qonunga xilof ravishda moddiy qimmatliklar olishi yoki mulkiy manfaatdor bo‘lishi)lari bilan ayb e’lon qilingan.

Dastlabki tergov harakatlari davom etmoqda, deb xabar bermoqda Bosh prokuratura.