AQShda Diamond Princess kruiz kemasidan evakuatsiya qilingan 11 kishi tibbiy tekshiruvdan o‘tkazilganda ularda COVID-2019 koronavirusi aniqlandi. Bu hada CNN xabar berdi.
AQSh fuqarolari Nebraska universiteti tibbiyot markaziga yotqizilgan.
Ta’kidlanishicha, kemadan jami 13 nafar AQSh fuqarosi evakuatsiya qilingan.
Diamond Princess kemasi Kagosima — Gonkong — Okinava yo‘nalishida harakatlanib, Iokogamaga qaytganda yo‘lovchilardan birida koronavirus aniqlangan va kema karantinda qoldirilgan. Kemadagi jami 454 kishi koronavirusni yuqtirgan.