O‘rta umumta’lim maktablari direktorlarning yagona maktab formasi savdosini yoki boshqa bichimdagi formalarni markazlashgan holda joriy etishni tashkil etishi taqiqlanadi. Maktab formalari savdosi maxsus savdo shaxobchalari orqali tashkil etiladi. Bu haqda Xalq ta’limi vazirligi yana bir bor eslatadi.
Eslatib o‘tamiz, Vazirlar Mahkamasining 18 iyundagi qaroriga ko‘ra, yagona maktab formasi 2019/2020 o‘quv yilidan emas, balki 2024/2025 o‘quv yilidan boshlab joriy etiladi.
2024/2025 o‘quv yiliga qadar o‘quvchilar maktablarga yagona maktab formasida kelishlari ixtiyoriy bo‘ladi. Shuni ta’kidlash lozimki, “O‘zto‘qimachiliksanoat” uyushmasi hududlar kesimida o‘quvchilar uchun maktab formalari ishlab chiqaruvchi korxonalar ro‘yxatini e’lon qilgan. Ota-onalar formalarni ulardan sotib olishlari mumkin.