Farg‘ona viloyati bojxona boshqarmasi xabar berishicha, “Farg‘ona” chegara bojxona posti xodimlari tomonidan qo‘shni davlatdan harakatlanayotgan fuqaro U.S. boshqaruvidagi “Neksiya” rusumli avtotransport vositasi to‘xtatilib, o‘rnatilgan tartibda bojxona nazoratidan o‘tkazildi.

Natijada, avtotransport vositasida tegishli ruxsatnomasi bo‘lmagan, bojxona xodimining og‘zaki so‘rovida ma’lum qilinmagan va tegishli hujjatlari bo‘lmagan O‘zbekiston Respublikasiga faqat ruxsatnoma asosida olib kirilishi belgilangan 1 dona uchuvchisiz uchish qurilmasi borligi aniqlandi.

Hozirda mazkur holat yuzasidan bojxona organlari tomonidan surishtiruv harakatlari davom ettirilmoqda.