Avvalroq, O‘zbekiston Respublikasi Davlat soliq qo‘mitasi va Markaziy banki boshqaruvining “O‘zbekiston Respublikasi Markaziy banki va tijorat banklari tomonidan bank hisob varaqlariga oid axborotlarni Davlat soliq qo‘mitasiga elektron uzatish tartibi to‘g‘risidagi nizomni tasdiqlash haqida”gi qo‘shma qarori loyihasi muhokamaga qo‘yilgan edi.
Banklar mijozlarning karta pul o‘tkazmalari haqida soliq organlarini xabardor qiladi - DSQ
Loyiha keng jamoatchilik, OAV va blogerlar, shuningdek, Savdo-sanoat palatasi, senatorlar tomonidan keskin norozilikka sabab bo‘ldi. Xususan, loyihadagi jismoniy shaxslarning bank plastik kartalarini nazorat qilish haqidagi bandni huquqiy asos bo‘lmagani uchun chiqarib tashlash tavsiya qilindi.
O‘zbekiston Respublikasi Davlat soliq qo‘mitasi DSQ va Markaziy banki boshqaruvining ushbu qo‘shma qarori loyihasi muhokamasida ishtirok etgan jamoatchilik vakillariga o‘z minnatdorchiligini bildirdi.
“Sizlarning taklif va e’tirozlaringiz mazkur hujjatni takomillashtirishda e’tiborga olinadi“, — DSQ Matbuot xizmati xabarida.