O‘zbekiston Respublikasi Ichki ishlar vazirligi Maxsus operatsiyalarni muvofiqlashtirish boshqarmasi Tezkor vazifalarni bajaruvchi safarbar otryadlari xodimlari 2020 yilning 9-13 fevral kunlari Birlashgan Arab Amirligining Dubay shahrida o‘tkazilgan “UAE SWAT Challenge” xalqaro musobaqasida Vazirlik terma jamoasi tarkibida munosib ishtirok etib, 30 ta davlatdan kelgan 52 ta maxsus jangovar jamoalar ichidan “Maxsus jangovar to‘siqlardan o‘tish” yo‘nalishi bo‘yicha jahonda birinchilikni qo‘lga kiritib, oltin medallar shodasi bilan taqdirlandi.
Jamoa a’zolari 14 fevral kuni Islom Karimov nomidagi Toshkent xalqaro aeroportida IIV Alohida namunaviy-ko‘rgazmali orkestrining tantanali musiqa sadolari ostida kutib olindi.