Dunyo bo‘ylab koronavirus 400 ming odamning umriga zomin bo‘ldi
8.06.2020 07:59,
156
Butun dunyo bo‘ylab koronavirus infeksiyasidan vafot etganlar soni 402 699 nafarga yetdi(08:00 tshv). Koronavirusga doir statistikani real vaqt rejimida berib boradigan Jon Xopkins universiteti ma’lumotlari bundan darak bermoqda. Koronavirusdan o‘lim holatlari bo‘yicha dastlabki uchta o‘rinni AQSh (110 503), Buyuk Britaniya (40 625), Braziliya (35 930) egallaydi.
Shu bilan birga, 7 milliondan ortiq odamda (7 006 436) koronavirus infeksiyasi tasdiqlangan. Ushbu statistika bo‘yicha dastlabki uchta o‘rinni AQSh (1,9 mlndan ortiq), Braziliya (qariyb 673 ming), Rossiya (467 mingdan ko‘proq) egallagan.
Hozirga qadar O‘zbekistonda 4331 ta koronavirus holati tasdiqlandi. 17 nafar bemor vafot etdi.