Dunyoda COVID-19 infeksiyasi aniqlangan insonlar soni 35 millionga yetdi (35 165 808). Koronavirusga doir statistikani real vaqt rejimida berib boruvchi Jons Xopkins universiteti ma’lumotlari bundan darak bermoqda. 24 milliondan ortiq bemor tuzalib ulgurdi.
Koronavirusga chalinganlar soni bo‘yicha yetakchilar:
- AQSh – 7,4 mln;
- Hindiston – 6,5 mln;
- Braziliya – 4,9 mln;
- Rossiya – 1,2 mln;
- Kolumbiya – 855 ming.
Eng ko‘p AQSh (210 ming), Braziliya (146 ming), Hindiston (103 ming), Meksika (79 ming) hamda Buyuk Britaniya (42 ming) fuqarolari vafot etgan. O‘zbekiston (483) bu ro‘yxatda 75 o‘rinda.
Markaziy Osiyo mamlakatlari orasida koronavirus aniqlanishi va o‘limi statistikasi:
- Qozog‘iston – 108 236 (1725 kishi vafot etgan);
- O‘zbekiston – 58 859 (483);
- Qirg‘iston – 47 635 (1066);
- Afg‘oniston – 39 422 (1466);
- Tojikiston – 9 935 (78).
- Turkmaniston – rasman 0.