Dunyoda COVID-19 bilan kasallanganlar soni 42 milliondan oshdi

Dunyoda COVID-19 bilan kasallanganlar soni 42 milliondan oshdi

Foto: Ammar Awad / Reuters

Jons Xopkins universiteti ma’lumotlariga ko‘ra, dunyoda koronavirus tashxisi qo‘yilgan odamlar soni 42 milliondan oshdi, dunyo bo‘ylab jami 42 024 647 kishi yuqtirgan.

Shu bilan birga, Worldometer ma’lumotlariga ko‘ra, dunyoda kasallanganlar soni 42 439 483 tani tashkil etadi. 

Kasallanganlar soni bo‘yicha, Jons Xopkins universiteti ma’lumotlariga ko‘ra, Amerika Qo‘shma Shtatlari yetakchi o‘rinni egallab turibdi, bu yerda 8,47 million odamda infeksiya tasdiqlangan. Ikkinchi o‘rinda Hindiston 7.76 million yuqtirgan, uchinchi o‘rinda 5.32 million odamda koronavirus aniqlangan Braziliya joylashgan. Yuqtirilganlar soni bo‘yicha to‘rtinchi o‘rinda Rossiya (1,48 million), beshinchisi Fransiya (1,08 million).

Shuningdek, universitet ma’lumotlariga ko‘ra, 1 140 978 kishi koronavirusdan vafot etgan, shundan 223,8 ming o‘lim AQShda sodir bo‘lgan. Bundan tashqari, Braziliyada 155,9 ming kishi, Hindistonda 117,3 ming kishi, Meksikada 87,4 ming kishi va Buyuk Britaniyada 44,6 ming kishi vafot etdi.

Oktyabr oyida Jahon sog‘liqni saqlash tashkiloti (JSST) dunyoda yuqtirganlar sonining kunlik o‘sishining maksimal ko‘rsatkichini bir necha bor qayd etdi. Shunday qilib, so‘nggi rekord 22 oktabrda ro‘yxatdan o‘tkazildi, keyin 24 soat ichida 423,8 ming kishida infeksiya aniqlandi. Bungacha, 17 oktyabrda 412,8 ming kishi, 10 oktyabrda - 383,3 ming kishi kasal bo‘lib qolgan.

JSST rahbari Tedros Gebreyesusning so‘zlariga ko‘ra, keyingi bir necha oy virus tarqalishi jihatidan juda qiyin bo‘ladi. “Biz COVID-19 pandemiyasi, ayniqsa shimoliy yarim sharda juda muhim chorrahada turibmiz. Keyingi bir necha oy juda qiyin bo‘ladi va ba’zi mamlakatlar xavfli trayektoriyada", - deya tushuntirdi u.

Gebreyesus shuningdek, o‘limning ko‘paymasligi, sog‘liqni saqlash tizimlarining qulamasligi va maktablarning yopilmasligi uchun mamlakatlar zudlik bilan harakat qilishlari kerakligini qo‘shimcha qildi.