Dunyoda COVID-19 yuqtirganlar soni 41 milliondan oshdi

Dunyoda COVID-19 yuqtirganlar soni 41 milliondan oshdi

Jons Xopkins universiteti ma’lumotlariga ko‘ra sayyoramizdagi 41 milliondan ortiq odam COVID-19 koronavirusini yuqtirgan. Dunyoda bir sutkada 388 mingta yangi yuqtirish holatlari aniqlandi. Umuman olganda 21 oktyabr kuni kunlik kasallanishlar sonining rekord o‘sishi qayd etildi - 440 ming.

Kasallanganlar soni bo‘yicha yetakchilar orasida AQSh (8,3 milliondan ortiq), Hindiston (7,6 million), Braziliya (5,2 million) va Rossiya (1,4 million) bor. Umuman olganda, koronavirus dunyoning 189 mamlakatida qayd etilgan.

Eng ko‘p o‘lim soni AQSh (221 mingdan ortiq), Braziliya (154 ming), Hindiston (115 ming) va Meksikada (86 ming) qayd etilgan. Umuman olganda, dunyo bo‘ylab 1,1 milliondan ortiq odam COVID-19 bilan vafot etgan.

Avvalroq Jahon sog‘liqni saqlash tashkiloti rasmiy statistik ma’lumotlarga qaramay, dunyo aholisining 10 foizidan ko‘prog‘i allaqachon koronavirus yuqtirgan bo‘lishi mumkinligini tan olgan edi. Yuqtirilganlar sonining ko‘payishi fonida ba’zi mamlakatlar cheklov choralarini qayta tiklashmoqda. Isroil birinchi bo‘lib to‘liq karantinni qayta joriy qildi. Keyinchalik ba’zi cheklovlar Chexiya, Sloveniya, Rossiya, Italiya, Buyuk Britaniya, Belgiya va Fransiya tomonidan qayta kiritildi.