Dunyoda OIV infeksiyasidan davolangan birinchi odam saratondan vafot etdi

Dunyoda OIV infeksiyasidan davolangan birinchi odam saratondan vafot etdi

Foto:facebook.com/TimothyRayBrown

13 yil oldin OIV infeksiyasidan davolangan birinchi odam Timoti Rey Braun AQShda saraton kasalligining qaytalanishidan so‘ng vafot etdi.

"Ushbu xabarni yetkazayotganimdan nihoyatda afsusdaman: Timoti, besh oylik leykemiya kasalligidan so‘ng, bugun 15:10 da men va do‘stlarining yonida vafot etdi", - deb yozdi uning sherigi Tim Xefgen Facebook'da.

"Berlinlik bemor" sifatida tanilgan Braun 2007 yilda suyak iligi transplantatsiyasini o‘tkazgan. Transplantatsiya saraton kasalligini davolash uchun qilingan, ammo shu bilan birga OIV infeksiyasini yengish mumkin edi. O‘shandan beri Braunda OITS belgilari yo‘q edi. 2019 yilda leykemiya qaytdi. Yaqinda, ommaviy axborot vositalarining xabarlariga ko‘ra, Braun Kaliforniyadagi shifoxonada yotgan.