Keniyadagi Garissa qo‘riqxonasi hududida brokonerlar noyob oq jirafa va uning bolasini o‘ldirgan. Bu haqda Britaniyaning The Telegraph nashriga tayanib, Kommersant xabar bermoqda.
Ular o‘ldirilgandan so‘ng, qo‘riqxonada bittagina oq jirafa qoldi — o‘ldirilgan ona jirafaning boshqa bolasi.
“Biz oq jirafalarga g‘amxo‘rlik qiladigan dunyodagi yagona tashkilotmiz. Bu kamyob va noyob turlarni saqlab qolish yo‘lidagi fojia bo‘ldi”, — dedi qo‘riqxona menejeri Muhammad Ahmadnur. Uning ta’kidlashicha, ovchilar dunyodagi so‘nggi ayol oq jirafani o‘ldirdilar.
Oq jirafa 2017 yilda qo‘riqxonaga kirgan va jamoatchilik unga qiziqqan edi. Keyinchalik u ikki marta bolalagan. Oxirgi marta u o‘tgan yilning avgust oyida tug‘gan edi.
Ushbu jirafalarning noodatiy rangi albinizmdan emas, balki leykizmdan — hayvonlarda tashqi qoplam pigmentatsiyasining qisman yo‘qolishiga olib keladigan mutatsiyadan kelib chiqadi.