Kecha, 1 dekabr kuni Yekaterinburgda bir necha nafar o‘zbekistonliklar «Volkswagen Polo» rusumli yengil mashinada yo‘lning muzlagan qismida avtohalokatga uchragan.
Ma’lum qilinishicha, buning oqibatida ikki nafar o‘zbekistonlik – 27 yoshli ayol va besh yoshli bola halok bo‘lgan. Besh nafar kishi og‘ir jarohatlar bilan shaharning 9-bolalar va 23-kasalxonalariga yotqizilgan. Hozir shifokorlar o‘ta og‘ir ahvolga tushgan mashina haydovchisi va vafot etgan bolaning onasi bilan bog‘liq jarrohlik amaliyotlarini bajarishmoqda.
O‘zbekiston Bosh konsulxonasi va Tashqi mehnat migratsiyasi agentligi vakolatxonasi xodimlari ushbu holatni o‘z nazoratiga oldi.