Бу ҳақда Санитария-эпидемиологик осойишталик ва жамоат саломатлиги хизмати бошлиғи ўринбосари Ботир Қурбонов АОКАда бўлиб ўтган брифингда маълум қилди.
Матбуот анжуманида таъкидланишича, бугунги кунда республика бўйича 3265 нафар шахс коронавирус туфайли шифохоналарда даволаняпти. Уларнинг 178 нафарини аҳволи ўта оғир, 375 нафарини аҳволи оғир деб баҳоланяпти.
«Коронавирус дастлабки аниқланган кундан бошлаб бугунги кунга қадар республика бўйича 9,5 млндан кўпроқ аҳоли ПЗР усулида текширилган. Бу салкам 30% аҳолини текшириш дегани», — дея маълум қилди СЭС бошлиғи ўринбосари Нурмат Отабеков.
Эмлаш жараёнида қатнашаётган 4536 нафар шифокор ССВ телеграм-каналида бу рақам 4356 дея берилди, ҳамда 11539 нафар ўрта тиббиёт ходими «Хавфсиз иммунизация» дастури бўйича ўқитилган.