Endi byudjet mablag‘i talon-taroj bo‘lsa, mutasaddilar qatorida, prokurorlar ham javobgar bo‘ladi.
Bu haqda “Obod qishloq” va “Obod mahalla” dasturlarini joriy yilda amalga oshirish masalalari muhokamasiga bag‘ishlangan videoselektor yig‘ilishida aytib o‘tildi.
Yig‘ilishda qatnashayotgan "Xalq so‘zi" muxbirining xabar berishicha, bundan buyon respublika va mahalliy byudjetdan ajratilayotgan juda katta mablag‘larni manzilli, talon-taroj qilmasdan har bir so‘mini qanday samarali ishlatilishini prokuratura tizimi, tuman va shaharlar prokurorlarining yordamchilari tomonidan nazorat etiladi.