“Uzautotrans service” korxonasi bugundan e’tiboran “Farg‘ona – Do‘stlik” yo‘nalishida sinov tariqasida avtobus qatnovini yo‘lga qo‘ydi. Bu haqda O‘zA xabar bermoqda.
Avtobuslar “Farg‘ona shahar atrofi” avtostansiyasidan yo‘lga chiqib, Andijon viloyatidagi “Do‘stlik” chegara o‘tkazish maskaniga qadar harakatlanmoqda.
Ushbu yo‘nalish masofasi 115 kilometrga teng bo‘lib, qatnovlar “Yutong” avtobuslarida amalga oshirilyapti. Yo‘lkira haqqi esa 15 000 so‘m etib belgilangan.
Dastlabki bosqichda qatnovlar ikki tomonlama yo‘nalishda kuniga jami 8 marotaba amalga oshiriladi.