Turkiya prezidenti Rejep Tayyip Erdog‘an turklarni Oyga olib chiqishga va’da berdi. Uning aytishicha, Turkiya 2023 yil oxirigacha o‘z kosmik kemasini Oyga ekspeditsiyaga yuboradi.

«Anadolu» axborot agentligi xabariga ko‘ra, bu haqda Erdog‘an mamlakatning yangi Milliy kosmik dasturi taqdimotida aytib o‘tdi.

«Bizning maqsadimiz 2023 yil oxirida Turkiyaning 100 yilligi sharafiga Oyga ekspeditsiyani amalga oshirish. Birinchi qo‘nish qattiq. Bu birinchi qadam bo‘ladi. Ikkinchi bosqichda yumshoq qo‘nish bo‘ladi. Bizning muhandislarimiz kosmik kemani Oyga olib borishga qodirligiga ishonaman», deydi Turkiya prezidenti.

Dastur, shuningdek, meteorologik sun’iy yo‘ldoshlarni ishlab chiqish va kosmik sanoat uchun kadrlar tayyorlashni o‘z ichiga oladi. Erdog‘anning ta’kidlashicha, sun’iy yo‘ldoshlardan olingan ma’lumotlarning xavfsizligini ta’minlanadi.

Yanvar oyi oxirida Erdog‘an "Tesla" va "SpaceX" rahbari Ilon Mask bilan telefon orqali suhbatlashgani edi.

8 yanvar kuni "SpaceX Falcon 9» raketa tashuvchisini Turkiyaning sun’iy aloqa yo‘ldoshi "Turksat 5A" bilan uchirdi. Raqamli televideniye va keng polosali Internet xizmatlarini ko‘rsatish uchun mo‘ljallangan sun’iy yo‘ldosh 2021 yilning ikkinchi yarmidan ishlay boshlaydi. Bu orbitadagi to‘rtinchi turk kosmik kemasi hisoblanadi.