Anqara Bosh prokuraturasi Fransiyaning "Charlie Hebdo" satirik nashriga qarshi jinoiy ish qo‘zg‘atdi, u Rajab Toyyib Erdog‘anning karikaturasini nashr etgan edi, deb xabar beradi Euronews.

Prokuratura prezidentni haqorat qilish haqida uchta moddaga ishora qiladi. Bundan sal oldinroq, Turkiya prezidenti ma’muriyatining aloqa bo‘limi mamlakat "shubhasiz, axloqsiz deb hisoblagan karikaturaning chop etilishi munosabati bilan kerakli huquqiy va diplomatik choralarni ko‘rishini" aytgan edi. 

Avvalroq, ikki mamlakat munosabatlari inqirozi fonida 

Charlie Hebdo o‘z muqovasida Erdog‘anning karikaturasini chop etgan edi. Karikaturada turk rahbari yarim yalang‘och shaklda tasvirlangan. Bir qo‘lida u ichimlik ichadi, ikkinchisi bilan uzun ko‘ylakda yonida turgan xizmatchining etagini ko‘taradi. "Yerdog‘an shaxsiy hayotda juda o‘ynoqi", - deyilgan karikatura izohida.

"Menga ular odam sifatida jirkanch tarzda hujum qilishganidan emas, balki ushbu nashrning azizim Payg‘ambarimiz (s.a.v.) ga jasoratli hujum qilganidan xafa bo‘ldim va g‘azablandim", - dedi Turkiya rahbarining o‘zi.

"Fransiya prezidenti Makronning musulmonlarga qarshi dasturi o‘z samarasini bermoqda! Charlie Hebdo hozirda go‘yoki bizning prezidentimizning haqoratli deb nomlangan rasmlarini nashr etdi. Biz ushbu nashrning madaniy irqchilik va nafratni tarqatishga qaratilgan jirkanch urinishini qoralaymiz", - deb yozgan Turkiya prezidenti ma’muriyati aloqa bo‘limi rahbari Fahriddin Oltin Tvitterda.