Eronda benzin narxlari oshirilganidan uch kun o‘tib, vaziyat tang bo‘lib qolmoqda. 15 noyabrda Eron rasmiylari benzin sotib olishni cheklash va benzin uchun ajratilayotgan subsidiya miqdorini kamaytirish qarorini e’lon qilishi ortidan mamlakat bo‘ylab norozilik namoyishlari boshlanib ketgan edi.

19 noyabr vaziyat qandayligi haqida to‘liq ma’lumot yo‘q, chunki mamlakat rasmiylari yirik shaharlarda Internetga ulanishga cheklov joriy qilingan. Bu haqida AFP agentligi xabar bermoqda.

Rasmiy ma’lumotlarga ko‘ra, namoyishchilar va politsiya to‘qnashuvlarida kamida 20 nafar odam halok bo‘lgan. Ularning 15 nafari namoyishchi, 4 nafari xavfsizlik xizmati xodimi, 1 nafari esa soqchi ekanligi aytilmoqda.