AQShning Iroqdagi bazasiga Eronning raketa zarbasi natijasida kamida 109 AQSh harbiy xizmatchisi kontuziya bo‘ldi. Bu haqda Pentagon matbuot xizmatiga tayanib, RIA Novosti xabar bermoqda.
Bugungi kunga kelib, AQShning 109 harbiy xizmatchisiga bosh "miyaning yengil chayqalish" tashxisi qo‘yilgan, deyiladi xabarda. Ta’kidlanishicha, bu oldingi hisobotga qaraganda 45 kishiga ko‘pdir.
Matbuot xizmatining xabar berishicha, 76 harbiy xizmatchi o‘z vazifalariga qaytishgan. Raketa zarbasidan keyin sinchkovlik bilan tekshirish uchun 27 kishi Germaniyaga yuborilgan, ulardan 21 nafari keyinchalik AQShga yuborilgan.
Shifokorlar yana besh nafar jarohatlanganlarning ahvolini hozirda baholashmoqda, ulardan biri Iroqda xizmatni davom ettirishni boshladi.