2020/2021 o‘quv yili qabulida respublika oliy ta’lim muassasalarining magistraturasiga kirish imtihonlari karantin talablariga qat’iy rioya qilingan holda 2020 yil 8-20 sentyabr kunlari o‘tkazilishi belgilangan.
Magistraturaga kirish imtihonlarida ishtirok etish uchun "Ruxsatnoma"ni http://magistr.edu.uz va http://ruxsatnoma.edu.uz/ manzili orqali yuklab olish imkoniyati yaratilgan.
Ayni vaqtga kelib mazkur tizim orqali 54 mingdan oshiq abituriyentlar ruxsatnomalarini yuklab olishgan (jami abituriyentlar soni esa 70 mingdan ortiq).
"Imtihon boshlanishiga oz vaqt qoldi, ShOShILING, ruxsatnomalarni yuklab oling.
Magistratura abituriyentlari test imtihonlariga faqat PASPORT va kirish imtihonlarida qatnashish uchun RUXSATNOMA bilan kiritilishini yana bir eslatib o‘tamiz" deyiladi Oliy va o‘rta maxsus ta’lim vazirligi xabarida.