Belgiya rasmiylari tasodifan aholiga zaharli moddalar bo‘lishi mumkin bo‘lgan tibbiy niqoblarni tarqatgan. 

Bu haqda “The Brussels Times” Belgiya Sog‘liqni saqlash ilmiy-tadqiqot institutining maxfiy hisobotiga asoslanib xabar bermoqda.

Umumiy hisobda Yevropa mamlakatlari hukumatlari 15 million dona mato niqobni bepul tarqatgan. Ularning barchasi Lyuksemburgning “Avrox” kompaniyasi tomonidan Osiyoda ishlab chiqarilgan.

Xabarda aytilishicha, niqoblar tarkibida kumush va titan dioksidining mikroskopik zarralari bo‘lishi mumkin. Ushbu unsurlar nafas yo‘llariga zarar etkazishi mumkin. Ya’ni, olimlarning ta’kidlashicha, ushbu niqoblarni taqish pnevmoniya rivojlanishiga olib keladi. 

Belgiya sog‘liqni saqlash vaziri maskalar xavfi hali isbotlanmaganligini aytgan bo‘lsa-da, ehtiyotkorlik chorasi sifatida ilgari chiqarilgan niqoblarni taqishni va farmatsevtlarni ularni tarqatishni vaqtincha to‘xtatishga chaqirgan.