Koronavirusga qarshi Global Response xalqaro donorlari onlayn forumida Yevropa Komissiyasi uch soat ichida 7,4 milliard yevro yig‘di, deb yozadi RIA Novosti.

Ta’kidlanishicha, pullar biznes, moliya institutlari va ilmiy tashkilotlar vakillari, shuningdek, mamlakatlar tomonidan berilgan.

15 aprel kuni Yevropa Komissiyasining Prezidenti Ursula fon der Leyen koronavirusga qarshi kurashish uchun xalqaro onlayn-donor marafonini o‘tkazishni taklif qildi. Uning so‘zlariga ko‘ra, dori-darmonlarni moliyalashtirish, diagnostika tizimlari va vaksinalarni yaratish uchun 7,5 milliard yevro zarur.