Yevropada ilk bora koronavirus bilan kasallangan bemor vafot etdi. BFMTV telekanaliga tayanib, gazeta.ru nashrining yozishicha, xitoylik 80 yoshli sayyoh Fransiyada vafot etgan.

Mamlakat sog‘likni saqlash vazirining so‘zlariga ko‘ra, qariya Fransiyaga koronavirusning o‘chog‘i hisoblangan Xitoyning Xubey provinsiyasidan kelgan.

Xabarda aytilishicha, marhum 16 yanvar kuni Fransiyaga kelgan, 25 yanvar kuni esa shifokorlarni uni karantinga olishgan edi. Shundan so‘ng bir necha kun o‘tib, uning ahvoli yomonlashgan va vafot etgan.

Eslatib o‘tamiz, hozirga qadar koronavirus yuqtirib olgan bemorlar soni 67 ming kishidan ortib ketdi. Bu virus 1500 dan ortiq insonning hayotiga zomin bo‘ldi.