Tobora ko‘proq Yevropa mamlakatlaridagi yetakchi shaxslar va siyosiy arboblar Lukashenko hukumatiga nisbatan ishonchsizlik bildirmoqda. Avvaliga post sovet mamlakatlar Litva, Latviya, Estoniya va Polsha prezidentlar va tashqi ishlar vazirlari darajasida Belarusning amaldagi hukumatiga nisbatan ishonchsizlik bildirdi.
Mavzuga doir: «Yo muxolifat bilan kelish yoki sanksiya» — Litva Belarus hukumatiga ultimatum qo‘ydi
Bugun esa Yevroparlamentning beshta partiyasi yetakchilari Belarusda yangi va erkin saylovlar o‘tkazishga chaqirdi va Lukashenkoni Yevropa Ittifoqida non-grat persona deb atadi.
"Biz Aleksandr Lukashenkoni Belarusning saylangan prezidenti deb tan olmaymiz va uni Yevropa Ittifoqida non-grat persona deb hisoblaymiz. Biz Beloruc xalqining mustaqil kuzatuvchilar kuzatuvi ostida yangi va erkin saylovlar o‘tkazilishini talab qilishini qo‘llab-quvvatlaymiz", - deyiladi beshta partiya yetakchilarining qo‘shma bayonotida.
Buyuk Britaniya tashqi ishlar vaziri Dominik Raab belarus saylovlarini tan olmasligini ma’lum qildi.
The violence against peaceful protesters in Belarus is appalling. The UK does not accept the results of this fraudulent Presidential election & calls for an urgent investigation through @OSCE into its serious flaws & the grisly repression that followed. https://t.co/VPJ4yrTCXZ
— Dominic Raab (@DominicRaab) August 17, 2020
"Dunyo Belarus hukumatining ushbu soxta prezidentlik saylovlaridan keyin tinch namoyishni zo‘ravonlik bilan bostirganini kuzatdi. Buyuk Britaniya ularning natijalarini tan olmaydi. Buyuk qatag‘onlar ketidan Buyuk Britaniya o‘zining sheriklari bilan birgalikda aybdorlarni jazolash uchun harakat qiladi".
Germaniya Lukashenko bilan mamlakatdagi inqirozli vaziyatni hal qilish uchun diplomatik kanallar orqali bog‘lanishga harakat qilmoqda, dedi mamlakat bosh kansleri Angela Merkel Litva prezidenti bilan suhbatda.
Avvalroq dushanba kuni Germaniya Vazirlar Mahkamasi vakili Shtefen Zaybert Germaniya hukumati Svetlana Tixanovskaya bilan muzokaralar olib borganini aytdi. Hozircha ularning tarkibi haqida hech narsa ma’lum emas.