Amerikaning Facebook kompaniyasi jamoaviy videoqo‘ng‘iroqlar qilish imkoniyatini beruvchi Messenger Rooms xizmatini ishga tushirmoqda. Bu haqda kompaniya rasmiy saytida xabar berildi.
Rooms bilan foydalanuvchilar bir vaqtning o‘zida 50 kishilik videokonferensiyalar tashkil qila oladi. Vaqt bo‘yicha limit o‘rnatilmagan. Qayd etilishicha, bunday konferensiyani Facebook yoki Messenger ilovasi orqali tashkil qilish mumkin.
Yaqin vaqt ichida Instagram, WhatsApp hamda Portal'da bunday funksiya qo‘shilishi rejalashtirmoqda.
Koronavirus pandemiyasi fonida videokonferensiya shaklida muloqotlar olib borish ehtiyoji kompaniyaning bunday xizmat taklif qilishiga sabab bo‘lgan.
Eslatib o‘tamiz, avvalroq Telegram ham joriy yil so‘ngiga qadar jamoaviy videoqo‘ng‘iroqlar funksiyasini qo‘shishini ma’lum qilgan edi.