"Falcon 9" raketasi uchiga o‘rnatilgan "Dragon" kapsulasida NASAning ikki fazogiri nihoyat kosmosga uchishga muvaffaq bo‘ldi.
Floridadagi Kennedi fazo markazidan mahalliy vaqt bilan 15:22 (00:22 tshv) da raketa osmonga ko‘tarildi. Oradan 12 daqiqa o‘tib fazogirlar quyi orbitaga yetib bordi va kapsula raketadan ajralib chiqdi. Uni kosmosga olib chiqqan raketa yerga qaytib tushib, okeandagi "Of course I still love you" dron-kemasiga muvaffaqiyatli qo‘ndi.
Endi "Dragon" kapsulasi kosmosdagi parvozini davom ettiradi. Fazogirlar 19 soat davomida yerni bir marta aylanib chiqadi va shundan so‘ng Xalqaro fazo stansiyasiga ulanadi. Ulangandan so‘ng bu missiya muvaffaqiyatli amalga oshgan deb hisoblanadi.