Prezident 2020 yil sentyabr oyidan buyon Farg‘ona viloyati hokimi vazifasini bajarib kelayotgan Xayrullo Bozorov nomzodini Farg‘ona viloyati hokimi lavozimiga tavsiya etdi. Bu haqda O‘zA axborot agentligi xabar qildi.
Ma’lumotlarga ko‘ra, X.Bozorov mehnat faoliyatini 1995 yilda soliq inspektori sifatida boshlagan. 2007-2015 yillarda Namangan viloyati hokimining ijtimoiy-iqtisodiy masalalar bo‘yicha o‘rinbosari, Uchqo‘rg‘on, Chust va Mingbuloq tumanlari hokimi bo‘lib ishlagan. 2015-2020 yillarda Namangan viloyati hokimi bo‘lgan.
2020 yil O‘zbekistonda xizmat ko‘rsatgan iqtisodchi faxriy unvoni bilan taqdirlangan.
Ovozga qo‘yish natijalariga ko‘ra, Xayrullo Bozorov Farg‘ona viloyatining hokimi etib tasdiqlandi.