14 aprel kuni Farg‘ona shahrida o‘tkazilgan tezkor tadbir davomida M.D. yashash xonadonida fohishaxona tashkil qilib, T.X va T.M.larni jinsiy aloqa qilishi uchun 350.000 so‘m evaziga sharoit yaratib bergan vaqtda ushlangan. Bu haqda Ichki ishlar vazirligi xabar qildi.
Mazkur holat yuzasidan Farg‘ona shahar IIO FMB huzuridagi tergov bo‘limi tomonidan M.D.ga nisbatan Jinoyat kodeksining 131-moddasi 4-qismi “b” bandi bilan jinoyat ishi qo‘zg‘atilib, M.D.ga nisbatan sud tomonidan qamoqqa olish tarzidagi extiyot chorasi qo‘llanilgan.
Eslatib o‘tamiz, Jinoyat kodeksining 131-moddasi 4-qismida ko‘rsatilgan jinoyatni sodir etgan shaxs sakkiz yilgacha ozodlikdan maxrum qilish bilan jazolanishi mumkin.