Farg‘ona viloyati Quvasoy shahrida er-xotin chaqalog‘ini yoqib yuborish bilan tahdid qildi.
Ma’lum bo‘lishicha, 28 yoshli ayolning bankdan qarzi bo‘lgan va bu bo‘yicha qarzni undirish uchun sud qarori chiqqan. Ushbu qaror ijrosini ta’minlash maqsadida MIB xodimlari ayolning uyiga borgan. Shunda ayol va uning 34 yoshli eri xodimlarga xizmat vazifasini amalga oshirishga qattiq qarshilik qilib, haqoratlab, qo‘lidagi chaqalog‘i ustiga benzin sepib, yoqib yuborishini aytib, tahdid qilgan.
Ushbu shaxslarga nisbatan shu yil 12 oktyabrda turli moddalar bilan jinoiy ish qo‘zg‘atilgan.