Ijtimoiy tarmoqlarda Farg‘ona viloyatida ota o‘z qizlariga tegajog‘lik qilgani haqida xabarlar tarqaldi.

Ma’lum bo‘lishicha, ushbu tarqalgan xabarlar yuzasidan viloyat huquq tartibot organlari bayonot bergan. Unda aytilishicha, Oltiariq tumanida erkak MJtKning 52-moddasiga (yengil tan jarohati yetkazish) ko‘ra jazolangan bo‘lgan. Erkak bundan to‘g‘ri xulosa chiqarmay, voyaga yetmagan qizini urib, tan jarohati yetkazgan va ushbu holat bo‘yicha unga nisbatan JKning 109-moddasi (qasddan badanga yengil shikast yetkazish) 1-qismi bilan jinoiy ish qo‘zg‘atilgan va sud qaroriga ko‘ra u jazolangan.

Ta’kidlanishicha, huquq tartibot organlariga erkak giyohvand vositalarni yetishtirgani yoki iste’mol qilgani va o‘z qizlariga tegajog‘lik qilgani bo‘yicha murojaat kelib tushmagan. Viloyat IIB ushbu holatlar bo‘yicha tergovga qadar tekshiruv harakatlari olib borilayotganini ta’kidladi.