Farg‘ona viloyati Uchko‘prik tumanida 27 yanvar kuni «Lacetti-2» urib yuborgan ayol voqea joyida vafot etdi. Bu haqda viloyat Ichki ishlar boshqarmasi matbuot xizmati xabar berdi.
Ma’lum qilinishicha, avtohalokat tumanning Jaloyir qishlog‘i hududida sodir bo‘lgan. Haydovchi M.M. «Lacetti-2»ni boshqarib kelayotib, qatnov qismini kesib o‘tayotgan M.A. ismli ayolni urib yuborgan. Natijada ayol tan jarohati olib, hodisa joyida vafot etgan.
Hozirda mazkur holat yuzasidan Jinoyat kodeksining 266-moddasi 2-qismi (Transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atilib, tergov harakatlari olib borilmoqda.