Farg‘ona viloyatiga Xitoydan 3 milliard so‘mlik tibbiy jihozlar olib kelindi. Bu haqda O‘zA xabar berdi.
Farg‘ona viloyati hokimligi tomonidan COVID-19 infeksiyasi bilan kasallangan bemorlarni davolashda qo‘llaniladigan 500 dona kislorod konsentratori, 5 mingta puls oksimetrlari olib kelingan. Mazkur tibbiy texnikalar zaxira uchun tayyorlab qo‘yilgan maskanlarga topshirildi.
Ma’lum qilinishicha, bir dona kislorod konsentrator narxi barcha xarajatlari bilan 4 million 200 so‘mga tushdi.