Farg‘ona viloyatini Andijon viloyati bilan bog‘lovchi Quva–Asaka, Shahrixon–Quva, Marhamat-Quva yo‘li bugundan boshlab ochildi. Bu haqda O‘zA xabar berdi.

Karantin davrida beton to‘siqlar bilan yopib qo‘yilgan bu yo‘llar cheklovlar yumshatilgan bo‘lsada, ochilmay kelayotgan edi. Ortiqcha ovoragarchiliklar aholining e’tirozlarga sabab bo‘layotgandi. Ijtimoiy tarmoqlarda ham mazkur mavzu ko‘tarilgan bo‘lib, viloyat hokimligi tomonidan yo‘llar ta’mirlanayotganligi bildirilgan.

Bugundan boshlab fuqarolar ushbu yo‘ldan hech bir cheklovlarsiz foydalanishlari mumkin. 

Eslatib o‘tamiz, kecha Farg‘ona viloyati hokimi Shuhrat G‘aniyev lavozimidan ozod qilingan hamda uning o‘rniga Xayrulla Bozorov viloyat hokimi vazifasiga tayinlangan edi.