Fargʻona viloyati, Uchkoʻprik tumanida fuqaro O.F. M.X.ning ishonchiga kirib, sotmoqchi boʻlgan 9.447.000 soʻmlik 165 kilogramm mol goʻshtini sotib olishga kelishgan. Xaridor pullarni bir hafta muddatda berishini aytib, bergan vaʼdasini bajarmasdan mol goʻshtini boshqa shaxsga sotib yuborib, pullarni oʻz ehtiyojlariga sarflab yuborgan. Fargʻona IIB maʼlumotiga koʻra, holat yuzasidan Uchkoʻprik tumani IIB huzuridagi tergov boʻlimi tomonidan Jinoyat kodeksining 168-moddasi 1-qismi “a” bandi (firibgarlik) bilan jinoyat ishi qoʻzgʻatilib, tergov harakatlari olib borilmoqda.                    Yuqorida koʻrsatilgan jinoyatni sodir etgan shaxs oʻn yilgacha ozodlikdan mahrum qilish bilan jazolanishi mumkin.v