O‘zbekiston musulmonlari idorasi Fatvo hay’ati yo‘l harakati qoidalari(YHK)ga rioya etish masalasidagi savollarga javob berdi. Unda, jumladan, quyidagilar keltirilgan:
◾️ YHQga amal qilish shar’an vojib amal hisoblanadi;
◾️ ruxsat etilgandan yuqori tezlikda harakatlanishi oqibatida ro‘y bergan baxtsiz hodisa tufayli vafot etgan haydovchi shar’iy jihatdan o‘z joniga qasd qilgan maqomida hisoblanadi.
◾️ YHQga amal qilmaydigan yoki bunga layoqati bo‘lmagan shaxslarning transport vositasini boshqarishi joiz emas;
◾️ yo‘l harakati xavfsizligiga tahdid soladigan holatda transport vositasini boshqarish shar’an joiz emas;
◾️ yo‘l harakati ishtirokchilari o‘zaro odob va madaniyat bilan munosabatda bo‘lishlari, boshqalarga xalaqit berishdan, qo‘pol so‘z va xatti-harakatlardan saqlanishlari lozim.