Fransiya prezidenti Emmanuyel Makron televizion murojaatida mamlakat hududida umummilliy karantin boshlanganini e’lon qildi va mamlakat hududlari o‘rtasida odamlarning harakatlanishi taqiqlanganligini e’lon qildi. Cheklov choralari kamida noyabr oxirigacha amal qilishi kutilmoqda.
"Men virusni tarqalishini to‘xtatish uchun izolyasiyani juma kunidan boshlab joriy qilish kerak degan qarorga keldim", - dedi Makron, odamlar faqat ish joyiga borish yoki tibbiy yordam olish uchun tashqariga chiqishlari mumkinligini ta’kidlab. Ko‘chaga chiqish uchun maxsus shaklni to‘ldirish kerak bo‘ladi. Ushbu talab bahorda birinchi karantin paytida kuchga kirdi.
Makronning so‘zlariga ko‘ra, yangi qoidalar koronavirus tarqalishining ikkinchi to‘lqinining birinchisiga qaraganda og‘irroq bo‘lishi mumkin bo‘lgan jiddiy oqibatlarini oldini olish maqsadida kiritilmoqda.
O‘tgan kun davomida Fransiyada 523 kishi koronavirusdan vafot etdi, ulardan 235 nafari kasalxonalarda emas, uyda.
Germaniyada karantin
Makrondan biroz oldin Germaniya kansleri Angela Merkel ham 2 noyabrdan boshlab to‘rt hafta davom etadigan karantin joriy etilishini e’lon qildi. Rasmiylar epidemiologik vaziyat qanday rivojlanishiga qarab cheklovlarni ikki hafta ichida qayta ko‘rib chiqmoqchi.
Cheklov barlarni, mehmonxonalarni, kinoteatrlarni, sport zallarini va dam olish markazlarini yopishni nazarda tutadi. Restoranlar mehmonlarni qabul qilmaydi va faqat eltib berish orqali ovqat sotish imkoniyatiga ega bo‘ladi. Do‘konlar va ta’lim muassasalari o‘z faoliyatini davom ettiradi. Odamlar bir-birlarinikiga tashrif buyurishlari mumkin, ammo 10 kishidan ortiq va ikkitadan ko‘p xonadonli tadbirlarda yig‘ilmasliklari lozim.
Sog‘liqni saqlash tizimining qulashi oldini olish uchun qattiq cheklovlar zarur, dedi Merkel. "Biz hozirdanoq harakat qilishimiz kerak", - dedi kansler. - Pandemiya bilan bog‘liq jiddiy vaziyatni yumshatish, odamlar o‘rtasidagi aloqalarni cheklash orqali amalga oshirilishi mumkin, shu bilan birga iqtisodiyotni himoya qilish uchun harakatlarni amalga oshiradi".
Jahondagi vaziyat
Dunyoda koronavirus bilan kasallanganlar soni o‘rtacha kuniga 450 ming kishiga o‘sishda davom etmoqda va 45 millionga yaqinlashmoqda. 1 million 171 ming kishi vafot etdi, deyarli 32,5 million kishi davolandi.
Seshanba kuni 500 ming odam koronavirus yuqtirdi - bu epidemiya boshlangandan beri eng yuqori ko‘rsatkich.
Eng ko‘p holatlar AQSh (9 milliondan ortiq) va Hindiston (deyarli 8 mln) da kuzatilmoqda.
Vaziyat Tinch okeani mintaqasi - Xitoy, Janubiy Koreya, Yaponiya va Avstraliyada nisbatan yaxshiroq.
Yevropaning barcha davlatlari amalda turli darajadagi karantin cheklovlarini tiklamoqda. Amerika ma’muriyati Oq uy rahbari Mark Medouzning og‘zi bilan kasallik tarqalishini nazorat qilishdan voz kechganini, barcha umid vaksinaning paydo bo‘lishiga bog‘lanayotganini bildirdi.