Fransiyaning Dijon shahrida uch kundan beri davom etayotgan chechenistonlik muhojirlar va mag‘riblik narkotik sotuvchi guruh o‘rtasidagi to‘qnashuvda kamida 12 kishi jarohat oldi, deb xabar beradi RTVI France Info telekanaliga asoslanib.
13 iyunga o‘tar kechasi 100 ga yaqin kishi "Black Pearl" (Qora marvarid) chilimxonasiga hujum qildi. Ular pichoq, beysbol tayog‘i, bolg‘a va temir tayoqlar bilan qurollangan edilar. Hujum qilganlarning ba’zilari niqoblangan.
Après qu’un Jeune Homme D’origine #Tchetchene âgée de 16 ans a était frapper par des Homme âgée de 25 à 30 ans par traîtrise les Tchétchènes de partout en France ce sont réunis pour aller à Dijon . pic.twitter.com/ZOXy7mkYQ5
— al chechnya (@Alchechnya) June 13, 2020
Dijon politsiyasi tartibsizlarni tarqatish uchun ko‘zdan yosh oqizuvchi gaz ishlatgan. Hech kim qo‘lga tushmadi. Jabrlanganlarning ba’zilari jiddiy jarohatlar olgan.
Telekanal xabariga ko‘ra, hujum tashabbuskorlari chechenlar jamoasi a’zolari bo‘lgan, ularning aksariyati Fransiyaning boshqa shaharlaridan aynan shu maqsadda kelgan. Shunday qilib, ular 16 yoshli chechenni kaltaklagan mahalliy giyohvand moddalar savdosi bilan shug‘ullanuvchi to‘dadan qasos olmoqchi bo‘lishdi. O‘smirning ahvoli og‘ir deb baholanmoqda.
Keyingi tun Dijonda yangi tartibsizliklar ro‘y berdi, otishma eshitildi va bir kishi jarohat oldi.
Kanalga ko‘ra, mag‘riblik va chechenistonlik qurolli odamlar to‘qnashuvida 40 yoshli erkak otishma paytida jiddiy yaralangan. Shuningdek, olomon ustiga "mashina haydab yuborishgan".
La descente des tchetchenes à Dijon continues pic.twitter.com/zBFjW7xl87
— Mans 🇲🇽 (@MansM_) June 14, 2020
Bu chechenistonliklarning Fransiyadagi mahalliy jinoiy guruhlar bilan birinchi to‘qnashuvi emas. Aprel oyining oxirida Nitssa shahrida otishma bo‘lib, unda ikki chechen yaralangan edi. Birozdan so‘ng, Trua shahri yaqinida chechenistonlik muhojirlar ishtirokida ommaviy mushtlashuv bo‘lib o‘tdi.