Fransuz uchuvchisi Vinc Reffet Birlashgan Arab Amirliklarining Dubay shahri bo‘ylab osmonda g‘aroyib bir tomoshani namoyish qildi.
Vinc Reffet maxsus reaktiv moslamasi yordamida, ya’ni noyob kostyum va Jet Wing qanotidan foydalangan holda 1800 metr balandlikka ko‘tarilib, soatiga 240 km tezlikka erishdi va osmono‘par binolar ustidan uchib o‘tdi.
Bundan tashqari uchuvchi bir necha daqiqa davomida avtopilotda parvoz qildi.
Ekstremal namoyish muvaffaqiyatli yakunlandi. Yerda guruh ishtirokchilari uni olqishlar bilan kutib oldi.